Knigionline.co » Казахские книги » Дон Кихот ІІ

Дон Кихот ІІ - Мигель де Сервантес

Книга «Дон Кихот ІІ» полная версия читать онлайн бесплатно и без регистрации

Мистер Дон Кихот полюбил рыцарские романы и решил стать рыцарем. Он отправляется вместе со своим оружейником Санчо Пэнси в путешествие во имя любви к Дульсинеи Тобосской. Это путешествие и в наши дни пленяет читателя.

Дон Кихот ІІ - Мигель де Сервантес читать онлайн бесплатно полную версию книги

Мансұқ етті әлеумет пікірін мүлдем.

Кеңкелес боп ғұмыр кешсе де,

Кемеңгер боп аттанды өмірден.

Ал, сұңғыла Сид Ахмет қаламына қарап былай дейді:

«Мына арада, осынау ілмешек пен мыстан созылған сымда ілулі тұратын боласың енді, қаламым, ұшың өткір ме әлде мұқалған ба, ол жағыңды білмедім және әлдебір әумесер де әдепсіз жазғыштар сені арамдау үшін қолына алғанша сен бұл жерде ғасырлар бойы тұра беретін боласың. Алайда саған жанасып үлгермес бұрын оларды сақтандыр және шошынатындай сес көрсетіп, мынаны айт:

Содырлар, аулақ жүріңдер,

Мазамды менің алмаңдар!

Жалғыз ғана маған, король,

Осындай ерлік бұйырған.

Дон Кихот тек мен үшін ғана дүниеге келді, ал мен тек сол үшін ғана тудым; оған әрекет ету, ал маған оны сипаттау бұйырған еді; біз екеуіміз алабөтен тату жұппыз — айбынды рыцарымның ерлік істерін өзінің дөрекі де дұрыс ұшталмаған түйеқұс қаламымен сипаттауға тәуекел еткен (кім біледі, алдағы уақытта да тәуекел етер) ана бір тордесильястық алдамшы жазғышқа әдейі әрі қасақана түрде сондаймыз, өйткені мұндай ерен еңбекке оның шамасы жетпейді және бұл оның сіресіп қалған ақыл-ойының ісі емес; егер оған жолығуыңның реті келсе, онда Дон Кихоттың табыттағы қажып-талған және тозғындап та үлгерген сүйегін қозғамауын, дүние салған жанның құқына қол сұғып, оны Ескі Кастилияға алып бармауын, қабірін қазбауын талап ет, — Дон Кихот шынымен-ақ қабірінде ұзынынан түсіп жатыр, өйткені үшінші мәрте сапар шегіп, жаңа жорық бастарлық дәрмені жоқ; ал қисапсыз кезбе рыцарьдың таусылмас жорығын келеке ету үшін оның алғашқы екі сапарының өзі-ақ жеткілікті боп шыққанын, бұл екі сапардың отандастарымыз ба әлде жат жерліктер ме, бәрібір, құлағдар болғандардың баршасына ұнағанын, бәрін қызыққа кенелткенін айт. Арам пиғылды адамыңа осындай ізгі кеңес беру арқылы сен өзіңнің христиандық парызыңды орындайсың, ал мен болсам, еңбегімнің жемісінен, өзім арман еткендей, бірінші боп тоят тапқанымды мақтан тұтам және сол үшін өзімді бақытты санаймын, өйткені рыцарьлық романдарда суреттелетін ойдан шығарылған әрі мүлдем қисынсыз хикаяларға жұрттың жеркенішін туғызудан басқа менде ешқандай мақсат болған емес; сөйтіп енді, менің хикаямда Дон Кихоттың ақиқат іс-әрекеті жайында әңгіме болғандығының арқасында аталмыш романдар шатқаяқтап қалды және таяу арада тырапай асатынына еш күмән жоқ». Vale 53.

Соңы

ТҮСІНІКТЕМЕЛЕР

Айлакер идальго

Ламанчалық Дон Кихот

Екінші бөлім

Г р а ф Л е м о с с к и й г е а р н а у

Граф Лемосский (1576 - 1622) — беделді испан шонжары, 1610 - 1615 жж. Неапольда вице-король, одан соң Итальян істері жөніндегі кеңестің төрағасы болып қызмет істеді.

... Баспадан шыққан, бірақ сахнада әлі қойылмаған комедияларымды... — “Дон Кихоттың” екінші бөлімі баспадан шыққан жылы жарық көрген драмалық шығармаларының жинағын Сервантес “Сахнада әлі ешқашан қойылмаған сегіз комедия мен сегіз интермедия” деп атады.

... басқа бір Дон Кихот... — “Айлакер идальго Ламанчалық Дон Кихоттың үшінші сапары жайында әңгімелейтін, Тордесильяс қаласында тұратын лиценциат Алонсо Фернандес де Авельянеда жазған екінші бөлім” деген атпен “Дон Кихоттың” 1614 ж. жарық көрген жалған екінші бөлімі жөнінде сөз болып отыр.

....қытай императоры... — Қытай императорының жолдауы жайындағы ойдан шығарылған әңгіме өмірінің соңғы жылдарында Сервантестің қандай мұқтаждыққа душар болғанын барынша айқын көрсетеді. Осы жолдар арқылы қаламгер өз отанында қандай да болсын көмектен жұрдай боп отырғанын айтқысы келген.

Коллегия — оқытатын негізгі пәндері діни ілім мен құқықтану болып табылатын оқу орыны.

“Персилес пен Сихизмунданың сергелдеңі”. — Бұл роман 1617 ж., Сервантес қайтыс болғаннан кейін жарық көрді.

П р о л о г

...Тордесильяста ұрықтанып, Таррагонда туған... — “Дон Кихоттың” аталмыш жалған екінші бөлімі Таррагонда жарық көрді, ал авторы өзін Тордесильястың тұрғынымын деп атаған болатын.

Перейти
Наш сайт автоматически запоминает страницу, где вы остановились, вы можете продолжить чтение в любой момент
Оставить комментарий